Mwanache jwa Mas'ood jwawechete kuti: Mtume jwa Mlungu-chanasa ni utendele wa Mlungu iwe pa Mtumejo- jwali jwakuona payakuwecheta yakwe,nambo soni jwakulupililidwa ligongo lyanti Mlungu wamkulupilile nikumpa utume. Jwatite kuti : nditu jwalijose mwa jenu manja ndando ja chipago chakwe chikusasatanda ni kusonganisidwa. Yele ikusatendekwa panyuma panti jwamlume naga atemi malo gamo ni wamkwakwe kutendaga ulombela,ulume wa ja mlumejo usasonganisidwa m'matumbo mwa jwamkongwe kwa mowa makumi mcheche (40) mu kawe kakuwa sawu lidondo. Kaneko lidondo lila lisasyuka myasi jekamatane,yele ikusatendekwa mu mowa gakwana makumi mcheche gawili. Kaneko myasi jeundane jila jisasyuka sawu nduli sawu nduli ja nyama ja mpaka jikomboleche kutauna,ayi ikusatenda mu mowa makumi mcheche gatatu. Kaneko Mlungu akusatumisya lilaika kwa munduju,ni likusapepelela msimu mwa mundujo panyuma pakumala mowa makumi mcheche gatatu. Lilaika lila lisalamulidwa kuti lilembe ichindu mcheche ayi: yakusowa yakwe,ana mlingo wachi watachipataga mu mitendele japa umi wakwe, Ndawi jakwe,ndawi jatachitami ali umi pa Chilambo cha pasi. Masengo gakwe,tachikamulaga masengo gachi?ana tachiwa wekungu kapena waupile pa lyuwa lya Mbesi. Kaneko, Mtume-chanasa ni utendele wa Mlungu ijale kwa jwelejo-, walumbile mu lina lya Mlungu kuti mundu jwakombolekaga kamulaga masengoo ga wandu waku Mbepo,masengo gakwe nikuwa soni gambone,pakujigalila ni yaikuonechela kwa wandu, nikuwa myoyo mpaka kusigala kandayi kamnono ka sikati jakwe ni Mbepo kupatula malo gamnonon mnope ,kaneko chilinganyisyo cha Mlungu chikusampundaga,nakusakamula masengo ga wandu waku Moto nikumalisya ni masengo gele,nakusajakwinjila ku Moto; Ligongo lilamusi lyakuti masengo gakwe mundu kuti gapocheledwe ni kutamichika pa malamusi ga Mlungu ni ngachenga pakuya malamusigo,ni wane mwa wandu akusakamula masengo ga wandu waku Moto mpaka kuwandichila kuti akajinjile Motowo,kusigalaga mkuli wakulandana mlingo wakwe ni ulewu wa yala ni mbindi ja mkono pakulinga ni litaka,kaneko chilinganyo cha Mlungu ichalembile ikusampundaga,nakusakamula masengo ga wandu waku Mbepo,nakusajinjila ku Mbepo.

Mtume-chanasa ni utendele wa Mlungu iwe pa jwelejo-akusala kuti panyuma pawagumbile Mlungu Mbepo ni Moto,watite kwa Jubril-utendele uwe pa jwelejo-kuti: mjaule ku Mbepo, ni nkajilole,ni Jubril-utendele uwe pa jwelejo-wapite kujakujilola kaneko ni wausile. Jubril-utendele uwe pa jwelejo watite: mwe Ambuje Mlungu!watite kuti: ngulumbilila uchimbichimbi wenu!pangali mundu jwatachipikana yakwayana Mbepoji ni yaikupatikana ku Mbepoko mu utendele wakwe,uchimbichimbi,indu yambone,nakaweje kuti tachinonyela kuti takajinjileko, ni tachikamulaga masengo gambone ligongo lya Mbepoji. Kaneko Mlungu wajisungwisye Mbepojo ni masengo gakupweteka ni gakusitopa kugapanganya, sawu kutenda yalamwile Mlungu nikuwambala yakanyisye;sano kwa mundu jwakusaka kujakwinjila ku Mbepojo, akusosekwa kumalana nayo yakupwetekayo. Kaneko Mlungu wawechete kuti :Ee mwe Jubril! mjaule nkajilole Mbepo, panyuma pakujisungulisya ni yakupweteka. Jubril-utendele uwe pa jwelejo- ni wapite nikujilola, kaneko wausile ni watite kuti:Ee Ambuje mwauchimbichimbi wenu,ngogopa kuti pangali mundu jumpaka akombole kwinjila ku Mbepoji ligongo lya yakusausya ni yakupweteka yaikusimanikwa mwitala lyakujakwinjilila ku Mbepolyo. Pa ndawi jawagumbile Mlungu Moto,wawechete kwa Jubril-utendele uwe pa jwelejo-kuti: mwe Jubril! mjaule ku Moto ni nkaulole, wapite ni wauweni. Kaneko Jubril-utendele uwe pa jwelejo-wausile ni watite kuti : Ee mwe Ambuje! mwa uchimbi chimbi wenu, pangali mundu jwatachipikana ya ilagasyo,mavuto, yaili ku Moto nakaweje kuti tiyimyala kuti tajinjileko, ni tachitalikanganaga ni masengo gampaka gakamjinjisye ku Motoko. Kaneko Mlungu wausungwisye Moto ni walitesile litala lyakujakwinjilila ku Motoko kuwa lyesungulilidwe ni ilako lako ni ikandu yakulyolyopela,kaneko wawechete kuti: mwe Jubril,mjaule ni mkaulole soni Moto. Jubril-utendele uwe pa jwelejo-wapite ni wauweni,kaneko waujile kwa Mlungu ni wawechete kuti: Ambuje Mlungu! mwa uchimbichimbi wenu, nditu ngogopa ndi ngutenda chanasa kuti pangali mundu jutachikulupuka kutyochela ku Moto,ligongo lya ilako lako ni yakulyolyopela yaisungulisidwe ku Motoko.

Akulongosola mtenga wa Alla chanasa ni utendele ijale kwa welewo kuti Allah akasapya mtime nimundu jwakutupiya ma ukangani,jwangaknda kugonja payauona asalinjilila kuyichenjela kapena kukangana niyakuona,nambo asajonjechesya pa makani asaika pa kupunda mulingo nambo soni akasasisya ali wangali umanyilisi wa yakusisyao

Jwalongoswele mtenga wa Alla kuti magongo gawiri gakatendekase wandu kwinjila ku mbepo. Kumjogopa Allah nindamo syambone Kumjogopa Allah:kwele nikuika chakuchinga sikati jenu ni sikati a ilagasyo ya Allah yele ili myoyo pakutenda iwalamwile nikuwambala iwalekasisye Ndamo syambone:Isawa pakulosya ngope ja chimwemwe,nikupeleka yambone,ningapeleka mavuto Mu magongo gawiri gamakulungwa gakwinjilila mundu ku moto ni aga: Lulumi ni umaliseche Ilemwa ya Lulumi :Unami,unakunaku,ni miseche.ni ine mwa ine Umaliseche ilemwa yakwe:chijama,chijama cha achalumepe ni mwa ine soni.

Mtume-chanasa ni utendele wa Mlungu iwe kwa jwelejo- akulongosola ya umbone wa Mlungu ni chanasa chakwe,naga mundu Msilamu pandamilo syakwe akukamulaga masengo gambone ni ndawi jine alepele paligongo lya kulwala kapena atanganidwe ni ulendo,kapena ligongo linepe;jwalakwejo akusapataga malipilo gekwane mpela yasati kapate naga alichenene kapena ali pa mlango nganawa pa ulendo.

Jwachenjesye mtume kwa wandu wakusosa majiganyo nichakulinga chanti alitukumuleje,nikwachemelela,kapena kulilyosa kuti une jwamlijiganye mpela jenumanja,kapena kuti apikisaneje nikusisyana niwandu isilu wapunguche lunda kapena kulijiganya kuti alongoleleje pa malo patemi kwapunda wane. Mundu juchatende yalakweyo nikuti akuwajilana kwinjila kumoto ligongo lya andole andole jakwejo nambo soni ungaliswejesya kwa Allah pakusosamajiganyo.