Lɑ y pids Hɑgiimdã lɑ Umrɑ wã Wẽnd yĩngɑ, lɑ gɩdgr sã n pɑɑm yãmbɑ, rẽnd yɑɑ sẽn yɑɑ nɑnɑ ne yãmb (kʋʋbo) sẽn yi rũm-peegdsẽ wã lɑ y nɑ n kʋ, lɑ y rɑ põe y zutã hɑl tɩ rũngã wɑ tɑ ɑ zĩigẽ, lɑ sẽn ya-ɑ bãɑd yãmb pʋgẽ mɑɑ ɑ tɑra zu-loεεgɑ ɑ zugẽ wã (n pa tõe n põe-a) bɩ ɑ mɑɑn n dol sẽn yɑɑ no-loeere, mɑɑ daoogɑ, mɑɑ ɑ kodge. Lɑ y sã n pɑɑm bɑs-m-yɑm, rẽnd sẽn nɑ n wʋm-ɑ noog ne Ʋmrɑ wã n tɩ tãɑg Hɑgiimdã, bɩ ɑ kʋ ɑ pãng sẽn tõe, sẽn yɑɑ rũngã. Lɑ ned ning sẽn pɑ tɑr-ɑ bɩ ɑ loe noor rɑsem ɑ tãɑb Hegiimdẽ wã, lɑ rɑsem ɑ yopoe t'a sã n wɑ lebge, woto yɑɑ piig sẽn pidi, lɑ wãnde yɑɑ ned ning zɑk-rãmb sẽn pɑ zĩ Lohorom Miisrã sεεgẽ, lɑ y zoe Wẽnd lɑ y bãng tɩ Wẽnd yɑɑ sɩbg-kεgeng soɑbɑ.
[سورة البقرة
] • 196
Yell pɑ be ne yãmb tɩ y bɑo arzεk sẽn yi yãmb Soɑbẽ, lɑ yãmb sẽn lebg Arɑfɑɑt bɩ y tẽeg Wẽnd Yʋʋrã Lohorom-zĩigẽ wã (Mʋzdɑlɩfɑ), lɑ y tẽeg A yelle ne A sẽn kãndg yãmb tɩ yãmb rɑ yɩɩme rẽ tɑoore n yɑɑ menemdbɑ.
Ad rãeenem roog b sẽn ning nebã yĩnga, yaa sẽn be-a Bakatã (Makã), tɩ bark be be, n leb n yaa kãndgr ne bõn-naandsã.
[سورة آل عمران
] • 96
Tagmas sẽn yaa vẽeneg n be be, a ɭbraahɩɩm na-tagdrã, ned ning sẽn kẽ-a be, a tara basem-m-yam, la roga nebã tɩ b kaag Roogã Wẽnd yĩnga, sẽn paam-a sor n na n tʋg be, la sẽn maan-a sõmb-zɩɩlem, rẽnd Wẽnd yaa sek-m-meng soab n yi bõn-naandsã.
Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a»
Naṣʋn Ṣahɩɩhʋn (Gom-sikdem sẽn manege)
A Muslim n togs-a
Yii a Aɑɩsa nengẽ, -Wẽnd yard be a yĩnga- a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), a karema Aayae-kãngã {Yẽndɑ n sik Gɑfã fo zugu tɩ Aayɑy-rãmb mɑɑnɑ sẽn yɑɑ vẽenegɑ be ɑ pʋgẽ, lɑ yɑɑ rẽ lɑ gɑfã yẽgrã, lɑ ɑ sãndɑ mɑɑnɑ pɑ vẽeneg ye, lɑ kedgrã sẽn be b rãmb sũyẽ wã, bãmb pʋgdɑ gẽdem-gẽdmã, tɩ yɑɑ yεl bɑoobo lɑ ɑ welsgo ne bãmb yõe yɑm-leoogo, lɑ yɑool n pɑ mi ɑ võorã rẽndɑ Wẽnde, lɑ sẽn tɑɑb tẽkɑ bãngr pʋgẽ wã yetɑme: " tõnd kõo sɩd ne-ɑ, fãɑ yii tõnd Soɑbã nengẽ". Lɑ pɑ tɑgsd n getẽ rẽndɑ yɑm-bεεl rãmbɑ.} [Aalʋ ɭmraan: 7], d ma a Aɑɩsa yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: “rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba».
Naṣʋn Ṣahɩɩhʋn (Gom-sikdem sẽn manege)
B zemsa taab a zugu (A Al-Bʋẖaariy la a Muslim n reeg-a)
Yii a ʿAbdʋllaah ɭbn Mugaffal nengẽ (Wẽnd yard be a yĩnga) a yeelame: Naniyaamã yeelame (Wẽnd pʋʋsg la A tɩlgr be a yĩnga): «Laandãan-rãmb a yiib sʋk fãa Pʋʋsg n be , laandãan-rãmb a yiib sʋk fãa Pʋʋsg n be». Rẽ poorẽ t'a yeele: «Ne ned ning sẽn tʋlla».
Naṣʋn Ṣahɩɩhʋn (Gom-sikdem sẽn manege)
B zemsa taab a zugu (A Al-Bʋẖaariy la a Muslim n reeg-a)
Yii a Aɑɩsa nengẽ, Wẽnd yard be a yĩnga: Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.
Naṣʋn Ṣahɩɩhʋn (Gom-sikdem sẽn manege)
A Al-Bʋẖaariy n togs-a
Yii a Gεεbr nengẽ, Wẽnd yard be a yĩnga, a yeelame: Raoa n wa Nabiyaamã nengẽ, Wẽnd pʋʋsg la A tɩlgr be a yĩnga, n yeele : Tẽn-tʋʋmã, waagib-rãmb a yiibã yaa bõe ? Tɩ Nabiyaam yeele : « yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã».
