Kira b'a bange nɛɛma ni kisi b'a ye k'a fɔ baaraw bɛɛ jàteli bɛ ɲaniya de bolo, ni kiiti n bɛ tàli kɛ baara bɛɛ la ka bɔ bàtow ni baaraɲɔgɔnya la, ni mɔgɔ min y'a ka baara dabɔ nàfa dɔ kama a tɛ foyi sɔrɔ fo n'a kɛra o nàfa n ye wa bàràji t'a ye, ni mɔgɔ min y'a laɲini ka gɛrɛ Ala la n'a ka baara ye, a bɛ sàra sɔrɔ a la hali n'a kɛra baara gansan ye, i n'a fɔ dumuni kɛli ni ji minni. O kɔfɛ kira ye misaliya dɔ fɔ kisi b'a ye ka ŋaniya jɔyɔrɔ bange baaraw la k'a fàra u fila damakɛɲɛli kan sawura bangenen na, a y'a bange k'a fɔ ni mɔgɔ min y'a ka jamana bila ka taama ŋaniya a danbaa dìɲɛko kama, a ka taama ye sariya taama ye a bɛ minɛ ka sàra a la a ŋaniya kalasili kosɔn, ni mɔgɔ min ye duniya nàfa dɔ ɲini a ka taama la, ka bɔ nàfolo ni jɔyɔrɔ ni jàgo ni muso la, o tɛ foyi sɔrɔ a ka taama la fo n'a kɛra o nàfa n ye a y'o min ŋaniya, a tɛ bàràji sɔrɔ.

umaru bɛ kibaruyali kɛ Ala diɲɛna a ma k'a fɔ mɛlɛkɛ jibirila seera sahabaw ma Ala diɲɛna u bɛɛ ma cɛ dɔ sawura la u si tɛ min dɔn, a mankutu dɔ tun ye k'a fɔ a ka fìni jɛɛya tun ka bon, a kunsigi tun finnen, taama nɔ tɛ dɔn a la ka bɔ sɛngɛ bangeli la, ani gɔngɔn, ani kunsigi ɲagasa ni fìni nɔgɔli, mɔgɔsi t'a dɔn sigibagaw la, olu tun sigilen bɛ kira kɛrɛfɛ kisi b'a ye,a sigira kira ɲɛkɔrɔ dɔnniɲinina sìgicogola, a y'a ɲininka silamɛya la, a y'a jaabi ni nin jɔsen ninnu ye min bɛ tàli kɛ seereya kumakan fila sàbatili la,ani seli waati duuru tàngali, ani jakadili a dibagaw ma, ani sunkalo sunni, ani hiji kɛli n'a se bɛ min ye. Ɲininkali kɛla n ko: i ye tuɲa fɔ, sahabaw kabakoyara a ka ɲininkali la, a bɔlen b'a fɛ a tɛ o min dɔn o kɔfɛ a ka tuɲatigiyali. O kɔfɛ a y'a ɲininka limaniya la, a y'a jaabi ni jɔsen wɔɔrɔ ye min bɛ tàli kɛ Ala bɛbagaya la a n'a mankutuw, k'a kɛ kelen ye a ka baaraw la i n'a fɔ danni na, ani k'a kɛ kelen ye bàtola, ani ko Ala ye mɛlɛkɛ minnu dan ka bɔ nɔɔrɔ la jɔn bonyanenw de do u tɛ Ala sɔsɔ wa u bɛ baara kɛ n'a ka yamaruyakan ye, ani limaniya Ala ka gafe jìgìnenw na a ka cidenw kan min bɔra Ala kɔrɔtalen yɔrɔ, i n'a fɔ kurana ni tawurata ni bibulu o n'a ɲɔgɔnnaw, an'a ka cidenw minnu b'a ka diinɛ la see, nuhu ni iburahima ni Musa ni Isa b'u la u laban ye Kira Mamadu ye kisi b'a ye, a n'u tɔw ka bɔ Nabiɲumanw ni cidenw na,ani limaniya donlaban na, min bɛ kaburu kɔnɔ saya kɔfɛ o b'a la ani duniya ni lahara cɛ ɲɛnamaya, ani k'a fɔ mɔgɔ bɛ kunu sàya kɔfɛ ka fɛsɛfɛsɛ, a dagayɔrɔ bɛ kɛ alijana ye wali tasuma, ani limaniya k'a fɔ Ala ye kow latigɛ ka sanga a ye min dɔn ka kɔrɔ, Alatigɛra a ka kodɔn n'a ka sɛbɛnni kɔnɔ, an'a sàgoya, ani ko bɔli a sira fɛ i n'a fɔ Ala y'a latigɛ cogomin, ani a ye min dan a ye. O kɔfɛ a y'a ɲininka ɲumanya la, a y'a kibaruya k'a fɔ limaniya ye i ka Ala bàto i n'a fɔ i ɲɛ b'a la, n'a ma sɛ ka see o yɔrɔ la Ala kɔrɔtalen bàto i n'a fɔ Ala bɛ k'i lajɛ, fɔlɔ bɛ lajɛli hakɛ de la, o de bɛ sanfɛ, filanan bɛ lakɔlɔsili hakɛ la. O kɔfɛ a y'a ɲininka duniya wili waati la, kira y'a bange nɛɛma ni kisi b'a ye k'a fɔ duniya wili waati ye fɛn ye Ala kelen bɛ min dɔn, danfɛn si tɛ a dɔn, min ɲininkara ani ɲininkali kɛla si t'a dɔn. O kɔfɛ a y'a ɲininka duniya wili taamasiyɛnw la? A y'a bange k'a fɔ jɔnmusow n'u denw cayali b'a la, wali denw ka básɔsɔli ka caya, u b'u báw jɔnya minɛ, ani ko duniya bɛ dayɛlɛn bagangɛnnaw ni fàntaw ye waati laban na, u b'u disiw gosi ni sow jɔli n'a màsirili ye. O kɔfɛ kira ye kibaruyali kɛ k'a fɔ ɲininkali kɛla ye mɛlɛkɛ jibirila de ye, a nana ka sahabaw ladɔnniya ni diinɛ tilennen n na.

Kira bɛ Ala ka hakɛ bangɛ jɔnw kan, ani jɔnw ka hakɛ Ala kan, ani k'a fɔ ko Ala ka hakɛ jɔnw kan o y'a kelen bàtoli ye fɛn kana fàra a kan, Ani ko jɔnw ka hakɛ Ala kan o ye a kana a Ala kelenbantiyabaga làjaaba olu min tɛ fɛn fàra a kan. O kɔfɛ muazi ko: yaa Ala ka ciden, n tɛ mɔgɔw lanisɔndiya wa yaasa u ka ɲagali ka nisɔndiya ni ni fusamanciya n ye wa? Kira y'a bali nɛɛma ni kisi b'a ye, u ka na u sinsin o dɔrɔn kan o siraɲɛ kaman.

Jabali den Muazi tun bɛ kira kɔfɛ kira ka yɛlɛnkanfɛn kan kisi b'a ye, a y'a weele: yaa Muazi? Siyɛn sàba; a bɛ na min fɔ a ye o nàfa kaman. Muazi b'a jaabi a bɛɛ la k'a fɔ : << n nisɔndiyalen y'i laminɛ kira >>, n y'i laminɛ ka kunnandiya ɲini i laminɛli la. A y'a kibaruya kisi b'a ye k'a fɔ mɔgɔsi tɛ seereya k'a fɔ ko tìgi foyi tɛ yen fo Ala, o kɔrɔ bàtoma foyi tɛ yen fo Ala, ani ko kira Mamadu y'a ka ciden ye, a dusukunna tuɲa na k'a sɔrɔ nkalon tɛ, n'a sàra o lahalaya kan Ala bɛ tasuma haramuya a kan. Muazi ye kira ɲininka nɛɛma ni kisi b'a ye a ka mɔgɔw kibaruya a la yaasa u ka ɲagali ka nisɔndiya hɛɛrɛ la? Kira siranna nɛɛma ni kisi b'a ye u ka u sɛmɛ o dɔrɔn na, o la u ka baara kɛ ta bɛ dɔgɔya. Muazi ma a bàro bɔ mɔgɔsi ye f'a faatu waati surunyalen; yaasa a kana na jùrumu sɔrɔ.

Kira bɛ kibaruyali kɛ kisi b'a ye k'a fɔ ni mɔgɔ min y'a fɔ ka seereya n'a nɛnkun ye ko << tìgi foyi tɛ yen fo Ala >>. O kɔrɔ: bàtofɛn tɛ yen tuɲa na fo Ala, ka kafiriya bàtofɛn wɛrɛ ma min tɛ Ala ye, k'a yɛrɛ yɔrɔmanjanya diinɛ bɛɛ la min tɛ silamɛya ye, o ka nàfolo n'a jòli kɛra haramu ye silamɛw kan, foyi tɛ an ma fo n'a kɛra a ka kɛnɛkan baara ye, a ka nàfolo tɛ minɛ w'a jòli tɛ bɔn, fo n'a ye kunko wali kojugu dɔ kɛ min bɛ silamɛya kiti waajibiya a kan. A fɛsɛfɛsɛli bɛ Ala kan kiyamadon, n'a kɛra tuɲatigi ye a b'a sàra, n'a kɛra nafiki ye a b'a ɲankata.

Cɛ dɔ ye kira ɲininka nɛɛma ni kisi b'a ye fɛn fila la: min bɛ Alijana donni waajibiya, ani min bɛ tasuma donni waajibiya? A y'a jaabi kisi ni nɛɛma b'a ye: k'a fɔ fɛn min bɛ Alijana waajibiya o ye mɔgɔ ka sà k'a sɔrɔ a bɛ Ala kelen de bàto a tɛ fɛn fàra a kan, Fɛn min bɛ tasuma waajibiya o ye mɔgɔ ka sà k'a sɔrɔ a bɛ fɛn fàra Ala kan, a bɛ sìna ni ɲɔgɔna kɛ Ala la a ka Alaya la, wali a ka màsàya la, wali a mankutu la.

Tuma min na Nabiɲuman ye jabali den muazi ci Ala diɲɛna a ma ka taa mɔgɔw weeleli ma ka taa Ala ma a ni kalanni yɛmɛni dugukolo kan, a y'a bange a ye k'a fɔ a bɛ na nànsaramànto dɔw kunbɛɲɔgɔn ya; yaasa a k'a labɛn, ka weeleli daminɛ nàfamanbáw la, A b'u weele ka taa dusukunnasiri ɲàni ma fɔlɔ; u ka seereya ko má tɛ yen fo Ala, wa Mamadu y'a ka ciden ye; K'a d'a kan u bɛ don silamɛya la n'o de ye, n'u y'u yɛrɛ kolon k'o kɛ a b'u yamaruya ka seli; ka d'a kan o de ye waajibiw la belebele ye AlaKelenbantiya kɔ fɛ, N'u seli la a b'u ka nafɔlɔtigiw yamaruya jaga dili la u ka fantanw ma; o kɔfɛ kira y'a ladi nàfolow la ɲuman minɛli la; ka d'a kan waajibi ye camancɛ ta de minɛli ye, O kɔ fɛ a y'a ladi ka bɔ tɔɲɔni ma; mɔgɔ tɔɲɔnen ka na Ala weeli kɛ a kan, n'o tɛ a bɛ jaabi.

Kira bɛ kibaruyali kɛ nɛɛma ni kisi b'a ye k'a fo mɔgɔw lasewalenbá n'a le ka sɔrɔnadon ye kiyama o ye min ko: "má foyi tɛ yen fo Ala k'a sɔrɔ a b'a dùsùkun na" o kɔrɔ bàtomá tɛ yen tuɲa na fo Ala, wa a ka ke filaninkafɔya ni yɛrɛyiran t'a la.

Kira bɛ kibaruyali kɛ nɛɛma ni kisi b'a ye k'a fɔ limaniya ye tilanyɔrɔ caman ye, a bɛ tàli kɛ baara ni dusukunnasiri ni kumakandɔw la. Ani k'a fɔ a tilanyɔrɔ la fusamanci ye: << má foyi tɛ yen fo Ala >> o fɔli ye, k'a sɔrɔ i b'a kɔrɔ dɔn, i bɛ baara kɛ n'a làɲini ye, k'a fɔ ko Ala de ye màsa kelen ye min ni bàto ka kan. Ani k'a fɔ ko limaniyabaaraw la dɔgɔman o ye mɔgɔw tɔɔrɔfɛn dɔ tàli ye ka bɔ sira kan. O kɔfɛ kira ye kibaruyali kɛ nɛɛma ni kisi b'a ye k'a fɔ màloya ye limaniya tilanyɔrɔ dɔ ye, n'o ye jogo ye min bɛ sàmali kɛ ka taa ɲuman kɛli ma ka kojugu to yen.

Kira b'an kibaruya nɛɛma ni kisi b'a ye k'a fɔ Ala barika b'a ye a kɔrɔtalendo a ko k'a fɔ: a le de karilenbá do ka bɔ filaninkafɔya ma, a karilen do ka bɔ fɛn bɛɛ ma, ani ni mɔgɔ ye bàto baara dɔ kɛ Ala ni Alatàna ye; Ala b'o to yen a t'a minɛ , a b'a segin a tìgi ma; Baara kalasiyali bɛ waajibiya Ala ye min kɔrɔtalendo ka d'a kan a tɛ fɛn minɛ fo min kɛra a le kelen jaati kama.

Kira bɛ kibaruyali kɛ kisi b'a ye k'a fɔ a ka màntonw bɛɛ bɛ don alijana la foni min ban na! Sahabaw ko Ala diɲɛna u ma: jɔn bɛ ban yaa Ala ka ciden!? A y'u jaabi kisi b'a ye : ni min y'a yɛrɛ kolon ka tuguɲɔgɔnyali kɛ ka kira kan na bàto nɛɛma ni kisi b'a ye o bɛ don alijana la, ni min ye sɔsɔli kɛ ka bàn k'a yɛrɛ kolon Ala ka sariya ye, o y'a yɛrɛ bàli alijana donni na n'a ka baarajugu ye.

Kira be balili ke nɛɛma ni kisi b'a ye farati ni sariya hakɛ dàntɛmɛli la a mankutuli n'a majamuli la ni Ala kɔrɔtalen mankutuw n'a ka baara kɛrɛnkɛrɛnnenw ye, wali K'a fɔ a bɛ ko dogolen dɔn, wali k'a weele ka fara Ala kan, i na fo nasaraw ye min kɛ mariyama den Isa la kisi b'a ye. O kɔfɛ a y'a bange k'a le ye Ala ka jɔn dɔ de ye, a y'an yamaruya an k'a fo a ma: Ala ka jɔn n'a ka ciden